Mae Mona yn cynnwys elfennau ar y môr i gynhyrchu trydan ac elfennau ar y môr ac ar y tir i allu trawsyrru’r trydan a fydd yn cael ei gynhyrchu i’r grid cenedlaethol:

• Generaduron tyrbinau gwynt (hyd at 96 tyrbin, sy’n cynhyrchu tua 1.5GW o drydan)
• Hyd at bedwar platfform is-orsaf ar y môr
• Ceblau rhyng-gysylltu ar y môr, ceblau rhyng-aráe a cheblau allforio
• Pedwar porth cysylltu trosiannol (yn cysylltu’r ceblau ar y môr a’r ceblau ar y tir)
• Ceblau ar y tir
• Is-orsaf ar y tir
• Cysylltu ag Is-orsaf bresennol y Grid Cenedlaethol ym Modelwyddan

Mae Prosiect Gwynt Alltraeth Mona yn cael ei ystyried yn Brosiect Seilwaith o Arwyddocâd Cenedlaethol. Mae hyn yn golygu bod cais am orchymyn cydsyniad datblygu (DCO) wedi cael ei gyflwyno i’r Ysgrifennydd Gwladol.

Ar 4 Gorffennaf 2025, cyhoeddodd Ed Miliband, yr Ysgrifennydd Gwladol dros Ddiogeledd Ynni a Sero Net, fod caniatâd wedi’i roi ar gyfer Fferm Wynt Alltraeth Mona. Ar 24 Medi 2025, cafodd Fferm Wynt Alltraeth Mona Drwydded Forol hefyd gan Cyfoeth Naturiol Cymru.

Mae’r holl ddogfennau sy’n ymwneud â’n cais am gydsyniad datblygu, archwiliad yr Arolygiaeth Gynllunio a phenderfyniad yr Ysgrifennydd Gwladol ar gael ar wefan yr Arolygiaeth Gynllunio.

Cyflenwyr

Rydym am fanteisio i’r eithaf ar gynnwys lleol yn y dull caffael, gan fod o fudd i’r gwledydd a’r rhanbarthau sydd agosaf at ein ffermydd gwynt. Os hoffech chi gofrestru eich diddordeb mewn gwaith yn y dyfodol, ewch i’r dudalen yma.